2024 жылдың 25 қарашасы күні Түпқараған ауданы бойынша білім бөлімінің «Айналайын» бөбекжайында «Әкелер, Әжелер, Аналар» мектебінің жылдық жұмыс жоспары аясында «Ас — адамның арқауы!» тақырыбында «Шұғыла» мектепалды тобы балалары мен аналары қатысқан ауқымды ұйымдастырылған ашық іс-әрекет өткізілді.
Ұйымдастырылған іс-әрекеттің мақсаты: ұлттық тағамдардың қасиеті, пайдасы туралы мағлұмат беру, жасалу жолдарын балаларға үйрету.
Мектепалды тобының тәрбиешілер Д.Б. Нуржанова, О.Д. Утесинова және «Аналар мектебі»-нің белсенді мүшелері Г.Наукенова, А.Жәбібек, Н.Қуатбаева, М.Кулбаева ас дайындауға, дастарханды безендіруге балаларды қатыстыра отырып, күнделікті үй шаруасында аналарына көмектесудің маңыздылығын түсіндірді.
